காஞ்சிபுரம் மாவட்டம் குன்றத்தூர் அடுத்த நந்தம்பாக்கம் சாந்திநகர் 2வது தெருவில் வசித்து வருபவர் கட்டுமானத் தொழிலாளி வெங்கடேசன் (45). இவருக்கு தேவி (38) என்ற மனைவி இருக்கிறார். இந்த தம்பதியினருக்கு 2 குழந்தைகள் இருக்கின்றனர். இதில் வெங்கடேசன் மீது செல்போன் பறிப்பு மற்றும் கொலை வழக்கு இருப்பதாக கூறப்படுகிறது. சென்ற சில மாதங்களாக வெங்கடேசன் மனைவியை பிரிந்து வாழ்ந்தார். இதையடுத்து கடந்த சில வாரங்களுக்கு முன் தன் வீட்டுக்கு வந்த வெங்கடேசன் மதுபோதையில் மனைவியை அடித்து, உதைத்து பணம் கேட்டு தொந்தரவு செய்தார்.
நேற்று முன்தினம் வெங்கடேசன் மீண்டுமாக மனைவியிடம் தகராறில் ஈடுபட்டதாக தெரிகிறது. இதன் காரணமாக கோபமடைந்த டிரைவரான தேவியின் தம்பி சதீஷ்குமார் (40) இது குறித்து வெங்கடேசனிடம் தட்டிகேட்டுள்ளார். இதனால் வெங்கடேசனுக்கும், சதீஷ்குமாருக்கும் இடையில் வாக்குவாதம் ஏற்பட்டது. அப்போது வெங்கடேசன் கட்டையை எடுத்து வந்து சதீஷ்குமாரை அடிக்க வந்தார். அதனை சதீஷ்குமார் தடுத்து நிறுத்தி பின் வெங்கடேசனை தாக்கியதில் அவர் ரத்த வெள்ளத்தில் மயங்கி கீழேவிழுந்து இறந்து விட்டார்.
இது பற்றி குன்றத்தூர் காவல்துறையினருக்கு தகவல் தெரிவிக்கப்பட்டது. அதன்படி சம்பவ இடத்திற்கு போலீஸ் இன்ஸ்பெக்டர் சந்துரு தலைமையில் விரைந்த காவல்துறையினர் கொலை செய்யப்பட்டு கிடந்த வெங்கடேசன் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர். அதனை தொடர்ந்து சதீஷ்குமாரை காவல்த்துறையினர் கைது செய்து விசாரித்து வருகின்றனர்.