தடுப்பு வேலி மீது மோட்டார் சைக்கிள் மோதிய விபத்தில் வாலிபர் பலியான சம்பவம் சோகத்தை ஏற்படுத்தியுள்ளது.
திண்டுக்கல் மாவட்டத்தில் உள்ள மேட்டுப்பட்டியில் மாரியப்பன் என்பவர் வசித்து வருகிறார். இவருக்கு சரத்குமார்(27) என்ற மகன் இருந்துள்ளார். இவர் திண்டுக்கல்லில் இருக்கும் ஒரு கம்பெனியில் வேலை பார்த்து வருகிறார். இந்நிலையில் சரத்குமார் மதுரையில் இருக்கும் தனது அக்காள் ராஜலட்சுமி வீட்டிற்கு மோட்டார் சைக்கிளில் சென்றுள்ளார். இதனையடுத்து மீண்டும் சரத்குமார் திண்டுக்கல் நோக்கி சென்று கொண்டிருந்தார்.
இவர் அம்மையநாயக்கனூர் அருகே நான்கு வழிச்சாலையில் சென்று கொண்டிருந்த போது நிலைதடுமாறிய மோட்டார் சைக்கிள் சாலையோரம் இருந்த தடுப்பு வேலி மீது பயங்கரமாக மோதி விபத்துக்குள்ளானது. இந்த விபத்தில் படுகாயமடைந்த சரத்குமாரை அருகில் உள்ளவர்கள் மீட்டு மருத்துவமனைக்கு சிகிச்சைக்காக அனுப்பி வைத்தனர். ஆனால் அங்கு அளிக்கப்பட்ட சிகிச்சை பலனின்றி சரத்குமார் பரிதாபமாக இறந்துவிட்டார். இதுகுறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.