வம்சி இயக்கத்தில் நடிகர் விஜய் நடித்துவரும் படம் வாரிசு” ஆகும். இப்படம் தமிழ், தெலுங்கு ஆகிய மொழிகளில் நேரடியாக வெளியாக இருக்கிறது. இத்திரைப்படத்தில் விஜய்க்கு ஜோடியாக நடிகை ராஷ்மிகா மந்தனா நடித்து வருகிறார். அத்துடன் பிரகாஷ்ராஜ், சரத்குமார், குஷ்பூ, ஷாம், யோகி பாபு உட்பட பலர் முக்கியமான கதாபாத்திரத்தில் நடித்து இருகின்றனர்.
இந்த படத்தின் பணிகள் மும்முரமாக நடந்து வருகிறது. இதற்கிடையில் வாரிசு படத்தின் படப்பிடிப்பு காட்சிகள் இணையதளத்தில் தொடர்ந்து வெளியாகி படக் குழுவினருக்கு அதிர்ச்சியை ஏற்படுத்தி வருகிறது. சில வாரங்களுக்கு முன் சென்னை கிழக்கு கடற்கரை சாலையில் படப்பிடிப்பை நடத்திய போது, சிலர் அதனை திருட்டுத்தனமாக படம் பிடித்து இணையதளத்தில் பகிர்ந்தனர்.
சில நாட்களுக்கு முன்பு வாரிசு படப்பிடிப்பில் விஜய் கோட்சூட் அணிந்து தொழிலாளர்களுடன் பேசுவது போன்ற புகைப்படம் கசிந்தது. அதாவது மருத்துவமனையில் நடைபெற்ற வாரிசு படப்பிடிப்பை செல்போனில் படம்பிடித்து சிலர் இணையதளத்தில் வெளியிட்டனர்.
இந்நிலையில் விஜய் மற்றும் படத்தின் நாயகி ராஷ்மிகா மந்தனா காதல் காட்சியில் கலந்துகொண்டு நடனம் ஆடும் வீடியோவானது இணையத்தில் கசிந்துள்ளது. 26 நொடிகள் கொண்ட வீடியோகாட்சி லீக்கானதால் படக்குழு அதிர்ச்சியடைந்துள்ளனர். ஆகவே தற்போது வாரிசு காட்சிகள் இணையத்தில் லீக் ஆகி வருவதால் படக்குழுவினர் குழப்பத்தில் இருக்கின்றனர்.
