திடீரென நடிகை யாஷிகா ஆனந்த் திருச்சி சமயபுரம் மாரியம்மன் கோவிலுக்கு வந்து ரசிகர்களுக்கு இன்பதிர்ச்சி கொடுத்துள்ளார்.
தமிழ் சினிமா உலகில் “கவலை வேண்டாம்” என்ற திரைப்படத்தின் மூலம் அறிமுகமானவர் யாஷிகா ஆனந்த். இவர் துருவங்கள் பதினாறு, இருட்டு அறையில் முரட்டு குத்து, ஜாம்பி உள்ளிட்ட திரைப்படங்களின் மூலம் மக்களிடையே பிரபலமானார். இதைத் தொடர்ந்து தற்போது யாஷிகா ஆனந்த் பல படங்களில் நடித்து வருகிறார். நடிகை யாஷிகா ஆனந்த் படத்தின் மூலம் பிரபலமானதைவிட தனியார் தொலைக்காட்சியான விஜய் டிவியில் ஒளிபரப்பான பிக்பாஸ் 2வில் கலந்து கொண்டதன் மூலமாகவே இவருக்கு ரசிகர்கள் அதிகமாக ஆரம்பித்தனர்.
கடந்த வருடம் தனது நண்பர்களுடன் பெங்களூருக்கு சென்று திரும்பி வரும் பொழுது விபத்துக்குள்ளானார். இந்த விபத்தில் யாஷிகாவின் தோழி சம்பவ இடத்திலேயே உயிரிழந்தார். நடக்கக்கூட முடியாமல் படுத்த படுக்கையாக இருந்த யாஷிகா ஆனந்த் தீவிர சிகிச்சைக்கு பிறகு குணமானார். இந்நிலையில் தற்போது இயல்பு நிலைக்கு திரும்பிய யாஷிகா மீண்டும் திரைப்படங்களில் நடித்து வருவதும் நிகழ்ச்சிகளில் பங்கேற்பதமாக இருந்து வருகின்றார்.
இந்த நிலையில் யாஷிகா ஆனந்த் திருச்சி சமயபுரம் கோவிலுக்கு வந்து சாமி தரிசனம் செய்துள்ளார். முன்னதாக இக்கோவிலுக்கு நடிகர் அஜித் வர இருப்பதாக தகவல் வெளியானது. இதனால் ஏராளமான ரசிகர்கள் கோவிலில் காத்திருந்த நிலையில் அவர் வரவில்லை. இந்நிலையில் யாஷிகா கோவிலுக்கு திடீர் விசிட் அடித்து ரசிகர்களுக்கு இன்ப அதிர்ச்சி கொடுத்துள்ளார். மேலும் ரசிகர்கள் செல்பி எடுக்க முயன்ற போது முகம் சுளிக்காமல் அவர்களுடன் செல்பி எடுத்துக் கொண்டார்.