பிரபல நாட்டில் நடத்தப்பட்ட துப்பாக்கிச் சூட்டில் 2 மாணவர்கள் உயிரிழந்துள்ளனர்.
அமெரிக்காவில் உள்ள சிகாகோ நகரில் உயர்நிலைப்பள்ளி ஒன்று அமைந்துள்ளது. இந்த பள்ளியில் நேற்று முன்தினம் கிறிஸ்மஸ் பண்டிகை கொண்டாடப்பட்டது. இதனையடுத்து மாணவர்கள் தங்களது வீட்டிற்கு கிளம்பியுள்ளனர். அப்போது திடீரென மர்ம நபர் ஒருவர் மாணவர்கள் மீது சரமாரியாக துப்பாக்கி சூடு நடத்தியுள்ளார். இதனை பார்த்த அதிர்ச்சியடைந்த மாணவர்கள் அலறி அடித்துக் கொண்டு ஓடினர். இந்த துப்பாக்கி சூட்டில் 4 மாணவர்கள் படுகாயம் அடைந்தனர்.
அவர்களை அருகில் இருந்தவர்கள் மீட்டு சிகிச்சைக்காக மருத்துவமனையில் அனுமதித்தனர். ஆனால் அங்கு அளிக்கப்பட்ட சிகிச்சை பலனின்றி 2 மாணவர்கள் பரிதாபமாக உயிரிழந்தனர். இதுகுறித்து தகவல் அறிந்த போலீசார் சம்பவ இடத்திற்கு விரைந்து சென்றனர். ஆனால் அந்த நபர் அங்கிருந்து தப்பி ஓடிவிட்டார். மேலும் இது குறித்து வழக்கு பதிவு செய்த போலீசார் துப்பாக்கிச் சூடு நடத்திய நபர் யார்? என்பது குறித்து தீவிர விசாரணை மேற்கொண்டு வருகின்றனர். இதனால் அப்பகுதியில் பெரும் பரபரப்பு ஏற்பட்டுள்ளது.