டிக்டாக் நட்சத்திரம் ஸ்கை டைவிங் செய்யும் போது பாராசூட்டில் இருந்து தவறி விழுந்ததில் பரிதாபமாக உயிரிழந்தார். கனடாவின் ஒன்டாரியோவில் உள்ள இன்னிஸ்பார்டு என்ற இடத்தில் இந்த விபத்து நடந்துள்ளது. @philosatea என்ற டிக்டாக் பக்கத்தின் உரிமையாளரான தன்யா பர்தாசி (21) உயிரிழந்தார். 100,000 க்கும் மேற்பட்ட பின்தொடர்பவர்களைக் கொண்ட பிரபலம், டொராண்டோ பல்கலைக்கழகத்தில் தத்துவ மாணவி ஆவார். ஆகஸ்ட் 27 ஆம் தேதி உள்ளூர் நேரப்படி மாலை 5.40 மணிக்கு அவரது முதல் தனி ஸ்கை டைவிங்கின் போது விபத்து ஏற்பட்டது.
டைவ் செய்யும் போது அவர் தனது பாராசூட்டை திறப்பதில் தாமதம் செய்ததாலேயே இந்த அசம்பாவிதம் உள்ளூர் ஊடகங்கள் தெரிவிக்கின்றன. உடனடியாக மருத்துவமனைக்கு கொண்டு செல்லப்பட்ட போதிலும் அவரை காப்பாற்ற முடியவில்லை. மரணம் தொடர்பான விசாரணையை போலீசார் ஆரம்பித்துள்ளனர். தன்யா கடைசியாக ஆகஸ்ட் 22 அன்று டிக் டாக்கில் வீடியோ பதிவிட்டது குறிப்பிடத்தக்கது.