உணவகத்தில் ஏற்பட்ட தீ விபத்தில் 15-க்கும் மேற்பட்டோர் உயிரிழந்த சம்பவம் சோகத்தை ஏற்படுத்தியுள்ளது.
சீனாவில் உள்ள சாங்சுன் நகரில் உணவகம் ஒன்று அமைந்துள்ளது. இந்த உணவகத்தில் இன்று மதியம் திடீரென தீப்பிடித்து எரிந்துள்ளது. அப்போது உணவகத்திற்கு சாப்பிட வந்தவர்கள் உள்ளிட்ட 17 பேர் இந்த தீ விபத்தில் சிக்கி பரிதாபமாக உயிரிழந்துள்ளனர். மேலும் 3 பேர் படுகாயம் அடைந்தனர். அவர்களை அருகில் இருந்தவர்கள் மீட்டு சிகிச்சைக்காக மருத்துவமனையில் அனுமதித்துள்ளனர் .இதுகுறித்து தகவல் அறிந்த தீயணைப்பு துறையினர் சம்பவ இடத்திற்கு விரைந்து சென்று நீண்ட நேரம் போராடி தீயை அனைத்துள்ளனர்
மேலும் இது குறித்து வழக்கு பதிவு செய்த காவல்துறையினர் தீவிர விசாரணை மேற்கொண்டு வருகின்றனர். இந்நிலையில் சிறிது நேரத்திற்கு முன்பு ஒரு வணிக கட்டிடத்தில் தீ விபத்து ஏற்பட்டது குறிப்பிடத்தக்கது.