பிரபல இயக்குனர் வெங்கட் பிரபுவின் புதிய படம் குறித்த அறிவிப்பு வெளியாகியுள்ளது.
பிரபல இயக்குனர் வெங்கட்பிரபு இயக்கிய மாநாடு திரைப்படம் சமீபத்தில் வெளியாகி நல்ல வரவேற்பைப் பெற்றது. இந்தப் படத்தின் வெற்றியைத் தொடர்ந்து இயக்குனர் வெங்கட் பிரபு மன்மதலீலை என்ற படத்தை இயக்கினார். இந்த படத்தில் அசோக் செல்வன் கதாநாயகனாக நடித்திருந்தார். இந்த படம் வெளியாகி ரசிகர்களிடையே நல்ல வரவேற்பை பெற்றது.
இந்த 2 படங்களின் வெற்றியைத் தொடர்ந்து வெங்கட் பிரபு இயக்கும் புதிய படத்தின் அறிவிப்பு வெளியாகியுள்ளது. இந்தப் படத்திற்கு என்சி 22 என பெயரிடப்பட்டுள்ளது. இந்த படத்தில் தெலுங்கு நடிகர் நாக சைதன்யா ஹீரோவாக நடிக்கிறார். மேலும் தமிழ் மற்றும் தெலுங்கு ஆகிய 2 மொழிகளில் உருவாக இருக்கும் என்சி22 திரைப்படத்தை ஸ்ரீநிவாசா சித்தூரி தயாரிக்கிறார். இந்த படத்தின் சக நடிகர்கள் குறித்த அறிவிப்பு கூடிய விரைவில் வெளியாகும் என இயக்குனர் தெரிவித்துள்ளார்.