தமிழகத்தில் பள்ளி கல்வி கற்காத மாணவர்கள் யாருமே இல்லை என்ற நிலை உருவாக்கப்பட வேண்டும் என்ற உயரிய எண்ணத்தோடு தமிழக அரசு செயல்பட்டு வருகிறது. அதன்படி மாணவர்களை அரசு பள்ளிகளில் சேர்க்கும் வண்ணம் செயல்பட தொடக்கக் கல்வித் துறை உத்தரவு பிறப்பித்துள்ளது. மேலும் அவர்களுடைய இடங்களுக்கே சென்று சேர்க்கை நடத்தவும் கேட்டுக் கொள்ளப்பட்டுள்ளது.
இந்நிலையில் கோவை மாவட்டம் மேட்டு லட்சுமி நாயக்கன்பாளையம் அரசு தொடக்கப் பள்ளிகளில் மாணவர் சேர்க்கையை அதிகரிக்க பள்ளி தலைமையாசிரியர் லட்சுமணசாமி புது முயற்சியை மேற்கொண்டுள்ளார். அதன்படி பள்ளியில் சேரும் மாணவர்களுக்கு ரூபாய் 1000 பரிசுத்தொகை வழங்கப்படும் என்று துண்டு பிரசுரம் வழங்கி வருகிறார்.