பீஸ்ட் படத்தில் நடன இயக்குனர் சதீஷ் கிருஷ்ணா முக்கிய கதாபாத்திரத்தில் நடிக்க இருப்பதாக தகவல் வெளியாகியுள்ளது.
தமிழ் திரையுலகில் முன்னணி நடிகராக வலம் வரும் விஜய்யின் 65-வது திரைப்படம் பீஸ்ட். நெல்சன் திலீப்குமார் இயக்கும் இந்த படத்தில் பூஜா ஹெக்டே கதாநாயகியாக நடிக்கிறார். மேலும் யோகி பாபு, அபர்ணா தாஸ், செல்வராகவன், விடிவி கணேஷ், ஷைன் டாம் ஷாக்கோ உள்ளிட்ட பலர் முக்கிய கதாபாத்திரங்களில் நடிக்கின்றனர்.
சன் பிக்சர்ஸ் நிறுவனம் தயாரிக்கும் இந்த படத்திற்கு அனிருத் இசையமைக்கிறார். சென்னையில் நடைபெற்று வந்த இந்த படத்தின் மூன்றாம் கட்ட படப்பிடிப்பு சமீபத்தில் நிறைவடைந்தது. இதைத் தொடர்ந்து அடுத்த கட்ட படப்பிடிப்பிற்காக பீஸ்ட் படக்குழு டெல்லி செல்ல இருப்பதாக கூறப்படுகிறது. இந்நிலையில் பீஸ்ட் படத்தில் நடன இயக்குனரும், நடிகருமான சதீஷ் கிருஷ்ணா இணைந்துள்ளதாக தகவல் வெளியாகியுள்ளது.