‘பிசாசு-2’ படத்தில் பிரபல நடிகர் அஜ்மல் இணைந்துள்ளதாக தகவல் வெளியாகியுள்ளது.
தமிழ் திரையுலகில் சித்திரம் பேசுதடி, யுத்தம் செய், பிசாசு, துப்பறிவாளன், சைக்கோ போன்ற படங்களை இயக்கி பிரபலமடைந்தவர் மிஷ்கின். தற்போது இவர் பிசாசு படத்தின் இரண்டாம் பாகத்தை இயக்கி வருகிறார். இந்த படத்தில் ஆண்ட்ரியா முதன்மை கதாபாத்திரத்தில் நடிக்கிறார். மேலும் விஜய் சேதுபதி, பூர்ணா, நமீதா கிருஷ்ணமூர்த்தி ஆகியோர் முக்கிய கதாபாத்திரங்களில் நடிக்கின்றனர்.
சமீபத்தில் இந்த படத்தின் பர்ஸ்ட் லுக் போஸ்டர் வெளியாகி ரசிகர்களிடையே நல்ல வரவேற்பை பெற்றது. இந்நிலையில் இந்த படத்தில் பிரபல நடிகர் அஜ்மல் இணைந்துள்ளதாக தகவல் வெளியாகியுள்ளது. இவர் ஏற்கனவே மிஷ்கின் இயக்கத்தில் வெளியான அஞ்சாதே படத்தில் நடித்திருந்தார் என்பது குறிப்பிடத்தக்கது. மேலும் சமீபத்தில் நயன்தாரா நடிப்பில் வெளியான நெற்றிக்கண் படத்தில் அஜ்மல் வில்லனாக நடித்து அசத்தியிருந்தார்.