எதற்கும் துணிந்தவன் கதை முதலில் சிம்புவுக்கு எழுதப்பட்டது என்ற தகவல் வெளியாகிவுள்ளது.
தமிழ் சினிமா உலகில் முன்னணி நடிகரான சூர்யா தற்போது “எதற்கும் துணிந்தவன்” படத்தில் நடித்து முடித்துள்ளார். இத்திரைப்படம் வரும் மார்ச் 10ஆம் தேதி ரிலீஸாகும் என படக்குழுவினர் அறிவித்துள்ளனர். தற்போது எதற்கும் துணிந்தவன் படத்தை பற்றி இயக்குனர் பாண்டியராஜ் சில தகவல்களை கூறியுள்ளார். இயக்குனர் பாண்டியராஜ் “எதற்கும் துணிந்தவன்” கதையை சூர்யாவுக்கு எழுதவில்லையாம் வேறொரு நடிகருக்கு தான் எழுதினாராம். இக்கதையை தயாரிப்பாளரிடம் சொன்னபோது இதில் சூர்யா ஹீரோவாக நடித்தால் நன்றாக இருக்கும் என அவர் கூறியுள்ளார். இதற்கு பாண்டியராஜன் யோசித்து சூர்யாவே ஹீரோவாக நடிக்கட்டும் என்று கூறியுள்ளார். பிறகு நடிகர் சூர்யாவிடம் இக்கதையை கூறியிருக்கிறார். சூர்யாவுக்கும் இக்கதை மிகவும் பிடித்திருந்ததாம்.
இயக்குனர் பாண்டிராஜ் சூர்யாவுக்காக மிகப்பெரிய பட்ஜெட்டில் கதை ஒன்றை எழுதி வைத்திருந்தாராம். மிகப்பெரிய பட்ஜெட் என்பதால் படம் எடுப்பதற்கு நிறைய காலங்கள் ஆகும் என்பதால் சிம்புவிற்காக எதற்கும் துணிந்தவன் கதையை எழுதினாராம். ஆனால் சிம்பு வேறொரு படத்தில் நடிக்க இருந்ததால் இப்படத்தில் நடிக்க முடியவில்லை என்று கூறிவிட்டாராம். ஆனால் சிம்புவின் ரசிகர்களால் இதை ஏற்றுக்கொள்ள முடியவில்லை. மாநாடு படத்திற்கு பிறகு “எதற்கும் துணிந்தவன்” படத்தில் நடித்து இருந்தால் அடுத்தடுத்து வெற்றிப் படங்களை கொடுத்திருக்கலாம் என ரசிகர்கள் வருந்துகின்றனர். “எதற்கும் துணிந்தவன்” மார்ச் 4-ல் வெளியாகும் என படக்குழுவினர் அறிவித்திருந்தனர். ஆனால் கொரோனாவின் தாக்கத்தால் ரிலீஸை தள்ளிவைத்து தற்போது மார்ச் 10-ல் ரிலீஸாகும் என அறிவித்துள்ளனர்.