உலகப் புகழ் பெற்ற மறைந்த எழுத்தாளர் கல்கி கிருஷ்ணமூர்த்தியின் பொன்னியின் செல்வன் என்ற நாவலை அடிப்படையாகக் கொண்டு இயக்குனர் மணிரத்தினம் பொன்னியின் செல்வன் என்ற படத்தை இரண்டு பாகங்களாக இயக்குகின்றார். இந்த திரைப்படத்தில் சீயான் விக்ரம், ஜெயம் ரவி, ஐஸ்வர்யா ராய், திரிஷா, பிரபு, சரத்குமார், கார்த்தி உள்ளிட்ட பல நடிகர்களும் முக்கிய கதாபாத்திரங்களில் நடித்துள்ளனர். இதில் பொன்னியின் செல்வன் 1 கடந்த செப்டம்பர் 30ம் தேதி வெளியிடப்பட்ட நிலையில், படம் பெரும் வெற்றி கண்டது.
இந்நிலையில் ‘பொன்னியின் செல்வன்-1’ ரசிகர்களிடையே நல்ல வரவேற்பை பெற்றதால், இதே சூட்டோடு ‘பொன்னியின் செல்வன்-2’ படத்தை அடுத்த ஆண்டு ஏப்ரலில் வெளியிட படக்குழு திட்டமிட்டுள்ளது. இந்நிலையில், இரண்டாம் பாகத்தில் த்ரிஷா குந்தவையாக நடித்துள்ள புதிய போட்டோ தற்போது வெளியாகியுள்ளது. முதல் பாகத்தை விட த்ரிஷா இதில் மிகவும் அழகாக இருப்பதாக ரசிகர்கள் அதிகம் ஷேர் செய்து வருகின்றனர்.