கோவையில் அரசு மருத்துவக் கல்லூரி மருத்துவமனையில் அதிதீவிர சிகிச்சைப் பிரிவு அமைக்கப்பட்டுள்ளது. இதனை சுகாதாரத்துறை அமைச்சர் சுப்பிரமணியன் நேற்று தொடங்கி வைத்தார். இதனையடுத்து செய்தியாளர்களை சந்தித்து பேசிய அவர், தமிழகம் முழுவதும் உள்ள அரசு மருத்துவக் கல்லூரி மருத்துவமனைகளில் 2099 படுக்கையை கொண்ட அதிதீவிர சிகிச்சைப் பிரிவுகள் முதல்வரால் தொடங்கி வைக்கப்பட்டுள்ளது. அந்த வகையில் கோவையில் உள்ள அரசு மருத்துவக் கல்லூரி மருத்துவமனையில் 32 படுக்கைகளுடன் கூடிய அதி தீவிர சிகிச்சைப் பிரிவு பயன்பாட்டிற்கு நேற்று முதல் வந்துள்ளது.
இதில் நவீன உபகரணங்களை கொண்ட சிகிச்சைப் பிரிவு உள்ளது. இது நோயாளிகளுக்கு மிகுந்த பயனை கொடுக்கும். மேலும் கோவை மருத்துவக்கல்லூரி மருத்துவமனையின் கட்டமைப்பு வசதிகள் மேம்படுத்தப்படும் என்று தெரிவித்துள்ளார்.