புது வடிவிலான ரூபாய் 1, ரூபாய் 2, ரூபாய் 5, ரூபாய் 10 மற்றும் ரூபாய் 20 போன்ற சிறப்பு வரிசை நாணயங்களை பிரதமர் நரேந்திரமோடி இன்று வெளியிட்டு உள்ளார். இந்தநாணயங்களானது சிறப்பு வாய்ந்தவையாகும். ஏனென்றால் இந்த சிறப்பு வரிசை நாணயங்களை பார்வையற்றவர்களும் எளிதில் அடையாளம் காணமுடியும். இத்தகவலை பிரதமர் அலுவலகம் வெளியிட்டிருக்கிறது. மத்திய நிதி அமைச்சகத்தின் “ஐகானிக்” வாரக் கொண்டாட்டங்கள் இன்று டெல்லியிலுள்ள விக்யான் பவனில் காலை 10:30 மணிக்கு பிரதமரால் துவங்கி வைக்கப்பட்டது.
இந்த கொண்டாட்டம் ஜூன் 6 முதல் 11 வரை இந்த வாரம் முழுதும் நடைபெறும். இன்றைய தினத்தில் ஜன்சமர்த் தளம் என்ற கடன் இணைக்கப்பட்ட அரசின் திட்டங்களுக்கான தேசிய தளத்தை பிரதமர் அறிமுகப்படுத்தியுள்ளார். இது அரசினுடைய கடன் திட்டங்களை இணைக்கும் ஒரு டிஜிட்டல் தளம் ஆகும். அத்துடன் பயனாளிகளையும், வங்கிகளையும் நேரடியாக இணைக்கும் முதல் தளம் இது வாகும். இந்நிகழ்ச்சியில் புதிதாக 1 ரூ, 2 ரூ, 5 ரூ மற்றும் 20 ரூ நாணயங்களின் சிறப்புத் தொகுப்பை பிரதமர் மோடி வெளியிட்டார்.
இவ்வகையான சிறப்புமிக்க நாணயங்களில் விடுதலையின் அமிர்தமகோத்சவ இலச்சினையினுடைய கருப்பொருள் இடம் பெற்றிருக்கும். இதன் சிறப்பம்சம் என்னவெனில் பார்வையற்றோர் எளிதில் கண்டறியும் வசதி ஏற்படுத்தப்பட்டுள்ளது. முன்பே புழக்கத்தில் உள்ள 1 ரூ, 5 ரூ, 10 ரூ, 20 ரூ நாணயங்கள் வெவ்வேறான வடிவம் மற்றும் அளவில் அறிமுகம் செய்யபப்பட்டு புழக்கத்துக்கு வந்துள்ளது. எனினும் இன்று அறிமுகம் செய்யப்பட்டுள்ள நாணயங்கள் சிறப்பு வாய்ந்தவை ஆகும்.