பிரபல நடிகர் சூர்யாவுடன் இணைந்து மலையாள நடிகர் ஒருவர் நடிக்க இருப்பதாக தகவல்கள் வெளியாகியுள்ளது.
தமிழ் சினிமாவில் பிரபல நடிகர் சூர்யா உச்ச நட்சத்திரமாக ஜொலிக்கிறார். இவர் சமீபத்தில் நடித்த ஜெய் பீம், சூரரை போற்று திரைப்படங்கள் ரசிகர்கள் மத்தியில் நல்ல வரவேற்பை பெற்றது. இதில் சூரரைப் போற்று திரைப்படமானது ஆஸ்கார் விருதுக்கு தேர்வு செய்யப்பட்டது. இந்நிலையில் நடிகர் சூர்யா ஆஸ்கார் அகாடமியின் உறுப்பினராக தேர்ந்தெடுக்கப்பட்டிருப்பது தமிழ் சினிமாவுக்கே பெருமையை சேர்த்துள்ளது.
இதனையடுத்து நடிகர் சூர்யா உலக நாயகன் கமல்ஹாசன் நடிப்பில் வெளியான விக்ரம் திரைப்படத்தில் ரோலக்ஸ் என்ற கதாபாத்திரத்தில் நடித்து அசத்தியிருப்பார். இவர் தற்போது இயக்குனர் பாலா மற்றும் வெற்றிமாறன் இயக்கும் திரைப்படங்களில் நடித்துக் கொண்டிருக்கிறார். அதன் பிறகு நடிகர் சூர்யா சூரரைப் போற்று படத்தை இயக்கிய சுதா கொங்கார இயக்கத்தில் நடிக்க இருக்கிறார். இந்த படத்தில் நடிகர் சூர்யாவுடன் இணைந்து நடிப்பதற்கு மலையாள நடிகர் துல்கர் சல்மானிடம் பேச்சுவார்த்தை நடத்துவதாக தகவல்கள் வெளியாகியுள்ளது.