தமிழ் சினிமாவில் இசையமைப்பாளராக அறிமுகமான விஜய் ஆண்டனி தற்போது படங்களில் ஹீரோவாக நடித்து வருகிறார். இவர் சன் டிவியில் ஒளிபரப்பான சின்ன பாப்பா பெரிய பாப்பா என்ற நாடகத்தின் மூலம் இசை அமைப்பாளராக அறிமுகமானார். அதன் பிறகு விஜய் டிவியில் ஒளிபரப்பான கனா காணும் காலங்கள் மற்றும் காதலிக்க நேரமில்லை போன்ற தொடர்களுக்கும் இசையமைத்துள்ளார். இவர் இசையமைத்த டைலாமோ, ஆத்திச்சூடி மற்றும் நாக்கு முக்க போன்ற பாடல்கள் நல்ல வரவேற்பை பெற்றது. கடந்த 2012-ஆம் ஆண்டு நான் என்ற திரைப்படத்தின் மூலம் விஜய் ஆண்டனி ஹீரோவாக அறிமுகமானார்.
இந்த படம் ரசிகர்கள் மத்தியில் நல்ல வரவேற்பை பெற்றதால் அடுத்தடுத்த படங்களில் நடிக்க ஆரம்பித்தார். இவர் நடிப்பில் வெளியான பிச்சைக்காரன் படம் நல்ல வரவேற்பு பெற்ற நிலையில், தற்போது பிச்சைக்காரன் 2-ம் பாகம் தயாராகி வருகிறது. இதேபோன்று விஜய் ஆண்டனி நடிப்பில் வெளியான கோடியில் ஒருவன் திரைப்படத்தின் 2-ம் பாகத்தையும் எடுப்பதற்கு திட்டமிட்டுள்ளதாக தற்போது புதிய தகவல் வெளியாகியுள்ளது. இந்த படத்தை ஆனந்த் கிருஷ்ணன் இயக்க, ஆத்மிகா ஹீரோயினாக நடித்திருந்தார். இந்த படம் கடந்த வருடம் செப்டம்பர் மாதம் ரிலீஸ் ஆனது. மேலும் கோடியில் ஒருவன் திரைப்படத்தின் 2-ம் பாகம் வெளியாகும் என்ற தகவல் வெளியானதால் விஜய் ஆண்டனி ரசிகர்கள் மிகுந்த எதிர்பார்ப்பில் இருக்கின்றனர்.