பல்லி வகையைச் சேர்ந்த உடும்பை பாலியல் வன்புணர்வு செய்த புகாரின் பேரில் 3 பேர் கைது செய்யப்பட்டுள்ளனர். மகாராஷ்டிரா மாநிலம் கோதேன் என்ற கிராமத்தின் புலிகள் காப்பக வனப்பகுதி உள்ளது. அந்தப் பகுதியில் சந்தேகத்துக்கு இடமாக மூன்று இளைஞர்கள் சுற்றி திரிந்தனர். அவர்களை அழைத்து வனத்துறையினர் விசாரணை செய்ததில், அவர்கள் பக்கத்து கிராமத்தை சேர்ந்த வேட்டைக்காரர்கள் என்பது தெரியவந்தது.
இதையடுத்து அவர்களிடம் இருந்த செல்போன்களை வாங்கி வனத்துறையினர் சோதித்தனர். அப்போது சில வாரங்களுக்கு முன்பு இந்த வனப் பகுதிக்கு வந்திருந்த அவர்கள் அங்கிருந்த பெரிய வகை பல்லியான உடும்பை பாலியல் வன்புணர்வு செய்ததை வீடியோவாக எடுத்து வைத்திருந்தனர். இதையடுத்து அவர்கள் 3 பேரையும் வனத்துறையினர் கைது செய்தனர். இந்த சம்பவம் பெரும் பரபரப்பை ஏற்படுத்தியுள்ளது.