மாஸ்டர் படத்தைத்தொடர்ந்து விஜய் தற்போது நெல்சன் இயக்கத்தில் பீஸ்ட் படத்தில் நடித்துவருகிறார். நெல்சன் திலீப்குமார் இயக்கும் இப்படத்தில் பூஜா ஹெக்டே கதாநாயகியாக நடிக்கின்றார். படத்தில் வில்லனாக இயக்குனர் செல்வராகவன் நடித்துள்ளார்.வருகின்ற ஏப்ரல் மாதம் பீஸ்ட் படம் வெளியாகும் என்று அறிவித்திருந்த நிலையில் விரைவில் படத்திலிருந்து ஒரு பாடல் பொங்கலுக்கு வெளியாகும் என்று எதிர்பார்க்கப்படுகிறது. மேலும் மாஸ்டர் படத்தில் கில்லி படப்பாடலான கபடி பாடலை ரீமேக் செய்ததைப்போல் பீஸ்ட் படத்திலும் ஒரு பாடலை ரீமேக் செய்துள்ளதாக தகவல்கள் வந்துள்ளன.
கில்லி படத்தில் இடம்பெற்ற அர்ஜுனர் வில்லு பாடலை பீஸ்ட் படத்தில் ரீமேக் செய்துள்ளதாக தகவல்கள் வெளியாகியுள்ளன.
மாஸ்டர் படத்தில் இடம்பெற்ற கபடி பாடல் பெற்ற வரவேற்ப்பைபோல இப்படத்திலும் அர்ஜுனர் வில்லு பாடல் பெரும் வரவேற்பைப்பெறும் என்று சொல்லப்படுகிறது. கில்லி படத்தில் இடம்பெற்ற அனைத்து பாடல்களும் விஜய் ரசிகர்கள் மட்டுமின்றி அனைத்து ரசிகர்களுக்கும் பிடித்த பாடல்களாகும். எனவே பீஸ்ட் படத்தில் இடம்பெறபோகும் இந்தப் பாடலை பாடலை பற்றிய எதிர்பார்ப்பு அதிகரித்துள்ளது மேலும் விரைவில் இது குறித்த அதிகாரப்பூர்வ அறிவிப்பை வெளியிடும் என எதிர்பார்க்கப்படுகிறது.