மாஸ்டர் படத்தின் வெற்றியை தொடர்ந்து தற்போது பீஸ்ட் படத்தில் நடிகர் விஜய் நடித்துள்ளார். இந்த படம் நேற்று வெளியானது.படத்தைப் பார்த்த ரசிகர்கள் பலவிதமான கருத்துக்களை சமூக வலைத்தளங்களில் தொடர்ந்து தெரிவித்து வருகின்றனர். சன் பிக்சர்ஸ் தயாரித்துள்ள இந்த படத்தில் விஜய்க்கு ஜோடியாக பூஜா ஹெக்டே நடித்துள்ளார். நெரிசல் திலீப்குமார் இதனை இயக்கியுள்ளார். இந்நிலையில் நேற்றைய தினம் பீஸ்ட் படம் வெளியானது. படத்தின் வெளியீட்டை விஜய் ரசிகர்கள் கோலாகலமாக கொண்டாடி மகிழ்ந்தனர்.
இந்நிலையில் பலத்த எதிர்பார்ப்புகளுக்கு மத்தியில் நேற்று வெளியான பீஸ்ட் திரைப்படம் தமிழ்நாட்டில் ஒரே நாளில் 26.40 கோடி வசூல் செய்துள்ளதாக தகவல் வெளியாகியுள்ளது. இதன் மூலம் தமிழ் சினிமா வரலாற்றில் ஒரே நாளில் அதிக அளவு வசூல் செய்த பட்டியலில் 5வது இடத்தை பீஸ்ட் படம் பிடித்துள்ளது. மாஸ்டர் திரைப்படத்திற்கு அடுத்து ஒரே நாளில் அதிக அளவு வசூல் செய்த விஜயின் படம் இது என்பது குறிப்பிடத்தக்கது.