உலக பணக்காரர்களில் ஒருவரான எலான் மாஸ்க் பிரபல twitter நிறுவனத்தை வாங்கியதில் இருந்து பல அதிரடியான நடவடிக்கைகளை மேற்கொண்டு வருகிறார். ட்விட்டரை வாங்கிய உடனே முதலில் ட்விட்டரின் முக்கிய அதிகாரிகளை நீக்கினார். பின்பு ஆலோசனைக் குழுவும் நீக்கப்பட்டது. அதனைத் தொடர்ந்து புளூ டிக் சலுகை பெற்றவர்களுக்கு கட்டணம் நிர்ணயித்ததுடன் twitter வார்த்தை வரம்புகளையும் அதிகரித்தார்.
இந்த நிலையில் பிரபலங்களுடைய பெயரில் கணக்கு வைத்திருப்பவர்களுக்கு எச்சரிக்கை விடுத்தார். அதாவது பிரபலங்களின் பெயரில் அல்லது மற்றொருவர் பெயரில் தொடங்கப்படும் கணக்குகளில் பரோடி என்று கட்டாயம் குறிப்பிட வேண்டும் என்றும் அப்படி குறிப்பிடாத கணக்குகள் முன் அறிவிப்பில்லாமல் நிரந்தரமாக முடக்கப்படும் எனவும் எச்சரிக்கை விடுத்துள்ளார்.