மணிரத்னம் இயக்கத்தில் பிரம்மாண்டமான பொருட்செலவில் சில நாட்களுக்கு முன் வெளியான பொன்னியின் செல்வன் திரைப்படம் நல்ல வரவேற்பு பெற்று வருகின்றது. இந்த படத்தில் கார்த்தி, விக்ரம், ஜெயம் ரவி, திரிஷா, ஐஸ்வர்யா ராய், பிரகாஷ்ராஜ், சரத்குமார், பார்த்திபன் போன்ற பல நடித்துள்ளனர். இந்தப் படம் உலகம் முழுவதும் நல்ல வசூல் சாதனையை படைத்து வருகிறது. மேலும் இந்த திரைப்படத்தில் நடித்த நடிகர்களுக்கு திரையுலகினர் உள்ளிட்ட பலரும் தங்களது வாழ்த்துக்களை கூறி வருகின்றனர்.
இந்த நிலையில் பொன்னியின் செல்வன் வசூல் பற்றிய புதிய அறிவிப்பை படக்குழு அதிகாரப்பூர்வமாக அறிவித்திருக்கிறது. அதன்படி இந்த படம் தமிழ்நாட்டில் வெளியான முதல் வாரத்தில் நூறு கோடிக்கு மேல் வசூல் செய்து அதிக வசூலை குவித்த படமாக முதல் இடத்தில் இருப்பதாக அறிவிக்கப்பட்டிருக்கிறது. மேலும் தமிழ்நாட்டில் மட்டும் இந்த படம் 100 கோடிக்கு மேல் வசூலித்து சாதனை படைத்திருக்கிறது. உலகம் முழுவதும் இந்த படம் 300 கோடிக்கு மேல் வசூல் செய்து சாதனை படைத்திருப்பதாக கூறப்பட்டுள்ளது.