Bigg Boss நிகழ்ச்சியின்போது சக போட்டியாளர் மணிகண்டன் மைனாவின் சம்பளத்தை பற்றி தனலட்சுமியிடம் உளறி இருக்கிறார்.
உலகநாயகன் கமல்ஹாசன் தொகுத்து வழங்கும் பிக் பாஸ் சீசன்-6 விஜய் டிவியில் ஒளிபரப்பாகி வருகிறது. இந்த 6வது சீசனில் முதல் வாரத்தில் துவங்கி இப்போது தற்போது வரை சண்டைக்கு பஞ்சம் இன்றி போய்க்கொண்டிருக்கிறது. இதுவரை சாந்தி, அசல் கோளாறு, ஷெரினா, மகேஷ்வரி, நிவாஷினி, ராபர்ட் ,குயின்ஸி, ஜிபி முத்து போன்றோர் பிக்பாஸ் வீட்டை விட்டு வெளியேறி உள்ளனர். பிக்பாஸ் சீசன்-6 50 நாட்களை கடந்ததால் இந்த வாரம் டபுள் எவிக்ஷன் இருக்கும் என கமல்ஹாசன் அறிவித்தார்.
அண்மையில் மணிகண்டன், தனலட்சுமியிடம் “மைனா வாங்கும் சம்பளத்திற்கு இங்கு தகுந்த வேலையை செய்யவில்லை” என கூறினார். அதற்கு தனலட்சுமி, மைனா எவ்வளவு சம்பளம் வாங்குகிறார் என கேட்டு உள்ளார். அதன்பின் “மைனா ஒரு நாளைக்கு 1.5 லட்சம் வாங்குகிறார் என்றும் பிக்பாஸ் வீட்டை விட்டு செல்லும்போது 90 லட்சம் கிடைக்கும்” என்றும் மணிகண்டன் கூறியுள்ளார். இதனை கேட்ட தனலட்சுமி வியப்பில் ஆழ்ந்துள்ளார்.