இளையதளபதி விஜய்யின் 66 ஆவது படத்தில் மொத்தமாக 6 பாடல்களுக்கும் மேல் இருக்கும் என்று தகவல் வெளியாகியுள்ளது.
இளைய தளபதி விஜய்யின் 66 ஆவது படத்தை ஸ்ரீ வெங்கடேஸ்வரா கிரியேஷன்ஸ் சார்பாக தில் ராஜு மற்றும் சிரிஷ் ஆகியோர் இணைந்து தயாரிக்க உள்ளார்கள். இந்த படத்தினை இயக்குனர் வம்சி பைடிபல்லி டைரக்ட் செய்யவுள்ளார். இந்த படத்திற்கான படப்பிடிப்பு இன்று துவங்கியுள்ளது. இதில் விஜய்க்கு ஜோடியாக பிரபல நடிகை ராஷ்மிகா மந்தனா நடிக்க உள்ளார். இந்த படத்திற்கு பிரபல இசையமைப்பாளர் தமன் பல அருமையான பாடல்களை தர விருக்கிறார்.
இதனை கார்த்திக் பழனி ஒளிப்பதிவு செய்யவுள்ளார். இந்த படத்திற்கான பூஜை விழாவில் நடிகர் சரத்குமாரும் கலந்து கொண்டுள்ளார். இதில் நடிகர் சரத்குமார் முக்கிய கதாபாத்திரத்தில் நடிக்கவிருப்பதாக தகவல் வெளியாகியுள்ளது. இந்நிலையில் தளபதி விஜயின் 66 ஆவது திரைப்படத்தில் மொத்தமாக 6 பாடல்களுக்கு மேல் இருக்கும் என்ற தகவல் வெளியாகியுள்ளது.