கேரள மாநிலம் திருவல்லா கும்பநாடு பகுதியைச் சேர்ந்தவர் சோனியா. இவரது தாயார் சோஷாம்மா, உறவினர் அனீஷ் மற்றும் 3 மாத கைக்குழந்தை ஆகிய அனைவரும் எர்ணாகுளத்தில் இருந்து திருவல்லா நோக்கி காரில் சென்று கொண்டிருந்தார். இவர்களுக்கு சரியான வழி தெரியாததால் Google Mapஐ பயன்படுத்திச் சென்றனர். அண்மையில் பெய்த மழையால் அவர் சென்ற பாதை முழுவதும் மழைநீர் தேங்கியுள்ளது. இதனால் அவர்களுக்கு சாலை முழுமையாகத் தெரிவில்லை.
மேலும் google map-யை நம்பி அவர்கள் அதேபாதையில் காரில்சென்று கொண்டிருந்தார். அப்போது திடீரென கார் நீரில் மூழ்கியுள்ளது. இதனால் காரில் இருந்த அனைவரும் அலறியுள்ளனர். அப்போதுதான் அவர்களுக்கு சாலையோரம் இருந்த ஆற்று ஓடையில் கார் இறங்கியது தெரிந்தது.
பின்னர் இவர்கள் அலறல் சத்தம் கேட்ட அப்பகுதி மக்கள் உடனே காரில் இருந்தவர்களைப் பத்திரமாக மீட்டு வெளியே கொண்டு வந்தனர். இது குறித்து போலிஸாருக்கு தகவல் தெரிவிக்கப்பட்டது. இதையடுத்து அங்கு வந்த போலிஸார் மற்றும் தீயணைப்புத் துறையினர் ஓடையில் இருந்து காரை வெளியே எடுத்தனர்.