இயக்குனர் அட்லி மிக குறுகிய காலத்திலேயே முன்னணி இயக்குனர்கள் வரிசையில் இணைந்துவிட்டார். இவர் இயக்கிய படங்களை விரல் விட்டு எண்ணிவிடலாம் ராஜா ராணி, தெறி, மெர்சல், பிகில் ஆனால் இந்த நான்கு படங்களும் ஹிட் ஆனது. இவர் இதற்க்கு முன் இயக்குனர் ஷங்கர் படமான நண்பன், எந்திரன் ஆகிய படத்தில் உதவி இயக்குனராக பணிபுரிந்தார்.
நடிகர் விஜய்யை வைத்து தெறி, மெர்சல், பிகில் என தொடர்ச்சியாக மூன்று படங்களை இயக்கியவர். அடுத்ததாக பாலிவுட் நடிகர் ஷாருக்கானை வைத்து ஒரு படத்தை இயக்க இருப்பதாக தகவல் வெளியாகி உள்ளது. இந்த படத்தின் படப்பிடிப்பு கூடிய விரைவில் தொடங்கப்படும் என்றும் கூறப்படுகிறது. அதற்கு முன் ஷாருக்கான் தற்போது நடித்து வரும் படத்தின் படப்பிடிப்பு நிறைவு செய்வதில் கவனம் செலுத்தி வருவதாக தகவல் வெளியாகியுள்ளது.