சிவகார்த்திகேயனின் SK20 படத்தில் பிக்பாஸ் பிரபலம் அனிதா சம்பத் நடிக்க உள்ளதாக தகவல்கள் வெளியாகியுள்ளன.
விஜய் டிவியில் ஒளிபரப்பாகி வரும் நிகழ்ச்சி பிக்பாஸ் நிகழ்ச்சி ரசிகர்களிடையே பேராதரவைப்பெற்று வருகிறது. உலக நாயகன் கமலஹாசன் தொகுத்து வழங்கும் இந்நிகழ்ச்சியில் பங்கேற்கும் போட்டியாளர்கள் பலர் பல வாய்ப்புகள் கிடைத்து முன்னேறி வருகின்றனர். ஹரிஷ் கல்யாண், ஆரவ், மகத் போன்றவர்கள் பிக் பாஸ் நிகழ்ச்சியின் மூலம் மக்களிடையே பிரபலமடைந்து இப்போது பல படங்களில் நடித்துவருகின்றனர்.
அந்த வகையில் கடந்த பிக் பாஸ் நிகழ்ச்சியில் பங்குபெற்று பிரபலமான அனிதா சம்பத்திற்கு பல படவாய்ப்புகள் வந்த வண்ணம் உள்ளன.
தற்போது விமலுடன் ஒரு படத்தில் நடித்துவரும் அனிதா சம்பத்திற்கு சிவகார்த்திகேயனுடன் நடிக்கும் வாய்ப்பு கிடைத்துள்ளது. சிவகார்த்திகேயன் தற்போது நேரடி தெலுங்கு படத்தில் நடிக்கவிருக்கிறார். இந்நிலையில் SK 20 என்று அழைக்கப்பட்டுவரும் இப்படத்தில் அனிதா சம்பத் முக்கிய கதாபாத்திரத்தில் நடிப்பதாக கூறப்படுகிறது.சமீபத்தில் சிவகார்த்திகேயனுடன் இவர் எடுத்துக்கொண்ட புகைப்படம் சமூகத் வலைதளத்தில் வெளியாகி வைரலானது என்பது குறிப்பிடத்தக்கது .மேலும் இதனைப்பற்றிய அதிகாரபூர்வ அறிவிப்பு விரைவில் வெளியாகும் என்றும் எதிர்பார்க்கப்படுகிறது.