அண்ணாத்த படத்தில் இடம்பெற்ற மருதாணி பாடலின் வீடியோவை படக்குழு வெளியிட்டுள்ளது.
தமிழ் திரையுலகில் சூப்பர் ஸ்டாராக வலம் வரும் ரஜினி நடிப்பில் உருவான அண்ணாத்த படம் தீபாவளிக்கு தியேட்டர்களில் ரிலீசானது. சிவா இயக்கியுள்ள இந்த படத்தில் நயன்தாரா கதாநாயகியாகவும், கீர்த்தி சுரேஷ் ரஜினிக்கு தங்கையாகவும் நடித்திருந்தனர். மேலும் மீனா, குஷ்பூ, ஜெகபதி பாபு, பிரகாஷ் ராஜ், சதீஷ், சூரி உள்ளிட்ட பலர் முக்கிய கதாபாத்திரங்களில் நடித்துள்ளனர் .
சன் பிக்சர்ஸ் நிறுவனம் தயாரித்துள்ள இந்த படத்திற்கு டி.இமான் இசையமைத்துள்ளார். இந்த படத்தில் இடம்பெற்ற பாடல்கள் அனைத்தும் ரசிகர்களிடையே நல்ல வரவேற்பை பெற்றது. இந்நிலையில் அண்ணாத்த படத்தில் இடம்பெற்ற மருதாணி பாடலின் வீடியோவை படக்குழு வெளியிட்டுள்ளது. தற்போது அசத்தலான இந்த வீடியோ பாடல் இணையத்தில் வைரலாகி வருகிறது.