‘அண்ணாத்த’ படத்தில் இணைந்த ‘சுல்தான்’ பட நடிகர்… யார் தெரியுமா?…!!!

நடிகர் ரஜினி நடிப்பில் உருவாகி வரும் அண்ணாத்த படத்தில் சுல்தான் பட நடிகர் ஒருவர் இணைந்துள்ளார்.

தமிழ் திரையுலகில் சூப்பர் ஸ்டாராக வலம் வரும் ரஜினிகாந்த் நடிப்பில் உருவாகி வரும் திரைப்படம் அண்ணாத்த. இயக்குனர் சிவா இயக்கும் இந்த படத்தில் மீனா, குஷ்பு, கீர்த்தி சுரேஷ், நயன்தாரா, சூரி, சதிஷ் உள்ளிட்ட பலர் முக்கிய கதாபாத்திரத்தில் நடிக்கின்றனர். சன் பிக்சர்ஸ் நிறுவனம் தயாரிக்கும் இந்த படத்திற்கு டி இமான் இசையமைக்கிறார். தற்போது ஹைதராபாத்தில் அண்ணாத்த படத்தின் படப்பிடிப்பு விறுவிறுப்பாக நடைபெற்று வருகிறது. சமீபத்தில் அண்ணாத்த படபிடிப்பு தளத்தில் இயக்குனர் சிவாவுடன் ரஜினிகாந்த் இருக்கும் புகைப்படத்தை படக்குழு வெளியிட்டிருந்தது.

இந்நிலையில் இந்த படத்தில் சுல்தான் பட நடிகர் ஒருவர் இணைந்துள்ளதாக தகவல் வெளியாகியுள்ளது. நடிகர் கார்த்தி நடிப்பில் வெளியான சுல்தான் படத்தில் முக்கிய கதாபாத்திரத்தில் நடித்த அர்ஜய் அண்ணாத்த படத்தில் நடித்துள்ளார். இதுகுறித்து நடிகர் அர்ஜய் சமீபத்தில் அளித்த பேட்டியில் சூப்பர் ஸ்டார் ரஜினியுடன் நடிக்கும் கனவு நிறைவேறியுள்ளது. அண்ணாத்த படப்பிடிப்பில் அவரின் வேகம் மற்றும் நகைச்சுவை தன்மையை பார்த்து அசந்துவிட்டேன்’ எனக் கூறியுள்ளார்.