நடிகர் ரஜினிகாந்த் அண்ணாத்த படத்தின் படப்பிடிப்பை நிறைவு செய்துள்ளதாக தகவல் வெளியாகியுள்ளது.
தமிழ் திரையுலகில் சூப்பர் ஸ்டாராக வலம் வரும் ரஜினி நடிப்பில் உருவாகி வரும் திரைப்படம் அண்ணாத்த. இயக்குனர் சிவா இயக்கும் இந்த படத்தில் குஷ்பூ, மீனா, கீர்த்தி சுரேஷ், நயன்தாரா, சூரி, சதீஷ், ஜார்ஜ் மரியன், ஜெகபதி பாபு உள்ளிட்ட பலர் முக்கிய கதாபாத்திரத்தில் நடிக்கின்றனர். சன் பிக்சர்ஸ் நிறுவனம் தயாரிக்கும் இந்த படத்திற்கு டி.இமான் இசையமைக்கிறார் . மேலும் கொரோனா பரவல் காரணமாக இரண்டு முறை இந்த படத்தின் படப்பிடிப்பு தள்ளி வைக்கப்பட்டது. சமீபத்தில் மீண்டும் ஹைதராபாத்தில் தொடங்கப்பட்ட அண்ணாத்த படப்பிடிப்பு கடும் கட்டுப்பாடுகளுடன் நடைபெற்று வந்தது.
இந்நிலையில் நடிகர் ரஜினி அண்ணாத்த படத்தின் படப்பிடிப்பை நிறைவு செய்துள்ளதாக தகவல் வெளியாகியுள்ளது. விரைவில் ரஜினி சம்பந்தப்பட்ட காட்சியின் டப்பிங் பணிகள் தொடங்கப்பட இருப்பதாக கூறப்படுகிறது. மேலும் இந்த வார இறுதிக்குள் அண்ணாத்த படத்தின் மொத்த படப்பிடிப்பும் நிறைவடைந்துவிடும் என்றும் தகவல் கிடைத்துள்ளது. இதனால் திட்டமிட்டபடி வருகிற தீபாவளி தினத்தில் அண்ணாத்த படம் வெளியாகும் என எதிர்பார்க்கப்படுகிறது.