அண்ணா பதக்கத்திற்கு தகுதியானவர்கள் விண்ணப்பங்கள் வரவேற்கப்படுவதாக தமிழக அரசு அறிவிப்பு வெளியிட்டுள்ளது.
தமிழக அரசு வெளியிட்ட செய்தி குறிப்பில் வீர, தீர செயல்களுக்கான அண்ணா பதக்கம் ஒவ்வொரு வருடமும் தமிழக முதல்வர் மு க ஸ்டாலினால் குடியரசு தின விழா அன்று வழங்கப்படுகிறது. இதில் ஒரு லட்சம் ரூபாய்கான காசோலை, 9 ஆயிரம் மதிப்புள்ள ஒரு பதக்கம் மற்றும் தகுதியுரை போன்றவை அடங்குகிறது. இந்த பதக்கத்தினை பெற தமிழகத்தைச் சேர்ந்த வீர,தீர செயல் புரிந்த பொதுமக்களில் மூன்று பேருக்கும், அரசு ஊழியர்களின் மூன்று பேருக்கும் இந்த பதக்கங்கள் வழங்கப்படுகிறது.
மேலும் இந்த பதக்கங்களை பெறுவதற்கு வயது வரம்பு எதுவும் இல்லை. இந்நிலையில் 2023 – ஆம் வருடம் வழங்கப்பட இருக்கின்ற பதக்கத்திற்கு தகுதியானவர்களை தேர்வு செய்வதற்காக விண்ணப்பங்கள், வீர,தீர செயல்கள் மற்றும் அவை தொடர்பான ஆவணங்களுடன் சம்பந்தப்படுத்தப்பட்ட மாவட்ட ஆட்சித் தலைவர் மூலமாகவோ அல்லது https://awards.tn.gov.in என்ற இணையதள மூலமாகவோ விண்ணப்பிக்கலாம். இதற்கு 15.12.2022க்கு முன்பாக விண்ணப்பிக்க வேண்டும் மேலும் சரியான காலகட்டத்திற்குள் பெறப்படாத விண்ணப்பங்கள் நிராகரிக்கப்படும். இந்த பதக்கம் பெற தகுதி உள்ளவர்கள் தேர்வு செய்யப்பட்டு 26.1.2023 அன்று குடியரசு தினத்தன்று முதல்வர் ஸ்டாலின் பதக்கம் வழங்கி கௌரவிப்பார்.