அதனால் தான் இறந்ததா? அதிர்ச்சியடைந்த பொதுமக்கள்…. வனத்துறையினர் அளித்த தகவல்…!!

கிராம பகுதியில் இறந்து கிடந்த சிறுத்தை புலியின் உடலை வனத்துறையினர் பிரேத பரிசோதனை செய்தனர்.

நீலகிரி மாவட்டத்தில் உள்ள கோத்தகிரி மற்றும் அதனை சுற்றியுள்ள வனப்பகுதியில் ஏராளமான வனவிலங்குகள் வாழ்ந்து வருகின்றன. இந்நிலையில் எல்லநள்ளி கிராமத்தில் சிறுத்தைப்புலி ஒன்று இறந்து கிடப்பதை பொதுமக்கள் பார்த்துள்ளனர். இதுகுறித்து உடனடியாக வனத்துறையினருக்கு தகவல் தெரிவிக்கப்பட்டுள்ளது. அந்த தகவலின் படி வனத்துறையினர் சம்பவ இடத்திற்கு விரைந்து சென்று சிறுத்தை புலியின் உடலை மீட்டு பிரேத பரிசோதனை செய்துள்ளனர். அதன்பிறகு வனத்துறையினர் சிறுத்தை புலியின் உடலை தீ வைத்து எரித்தனர்.

இதுகுறித்து வனத்துறையினர் கூறும் போது, இறந்து கிடந்தது 12 வயதுடைய பெண் சிறுத்தைப்புலி ஆகும். இந்த சிறுத்தைப்புலி வயது முதிர்வு மற்றும் உடல்நலக்குறைவு காரணமாக இறந்திருக்கலாம். ஆனாலும் பிரேத பரிசோதனை அறிக்கை வந்த பிறகே சிறுத்தை உயிரிழந்ததற்கான உண்மை காரணம் தெரியவரும் என வனத்துறையினர் கூறியுள்ளனர்.