எட்டு தோட்டாக்கள் எனும் திரைப்படத்தின் மூலமாக இயக்குனராக அறிமுகமானவர் ஸ்ரீ கணேஷ். இந்த படத்தின் வெற்றியை தொடர்ந்து இயக்குனர் ஸ்ரீ கணேஷ் இயக்கத்தில் அதர்வா நடித்திருக்கின்ற படம் குருதி ஆட்டம். இந்த படத்தில் அதர்வாவுக்கு ஜோடியாக பிரியா பவானி சங்கர் நடித்துள்ளார். இந்த படத்திற்கு யுவன் சங்கர் ராஜா இசை அமைத்திருக்கின்றார். இந்த படம் கடந்த வருடம் டிசம்பர் மாதம் வெளியாகும் என அறிவித்திருந்ததை எடுத்து சில காரணங்களால் இந்த படம் வெளியாகவில்லை.
இதனை அடுத்து குருதி ஆட்டம் திரைப்படம் ஆகஸ்ட் 5ஆம் தேதி திரையரங்குகளில் வெளியாக இருக்கின்றது. இந்த நிலையில் இந்த படத்தின் டிரைலர் வெளியாகி இருக்கிறது. கபடி காலத்தை மையமாக வைத்து உருவாகி இருக்கின்ற இந்த ட்ரெய்லரை இயக்குனர்கள் வெங்கட் பிரபு, பா ரஞ்சித், லோகேஷ் கனகராஜ் போன்றோர் இணைந்து வெளியிட்டுள்ளனர். மேலும் இந்த வீடியோ சமூக வலைத்தளங்களில் ரசிகர்களின் கவனத்தை ஈர்த்து வருகிறது.