இரத்த தானம் செய்வது ஒரு உன்னதமான காரியம், ஏனெனில் இதன்மூலம் உயிர்களை காப்பாற்ற முடியும். ஆந்திராவின் குண்டூரைச் சேர்ந்த இந்த 57 வயது நபர் 83 முறை ரத்த தானம் செய்துள்ளார். உமா மகேஸ்வர ராவ் ஒரு தொழிலதிபர் மற்றும் யோகா ஆசிரியர். இதுகுறித்து அவர் கூறியதாவது, “நான் இருபதுகளின் நடுப்பகுதியில் இருந்தபோது, எனது உறவினர் கடுமையாக நோய்வாய்ப்பட்டார். அவருக்கு உடனடியாக அறுவை சிகிச்சை செய்யப்பட வேண்டியிருந்தது . சுமார் 40 ஆண்டுகளுக்கு முன்பு, இரத்த தானம் குறித்த விழிப்புணர்வு இன்றைய அளவுக்கு இல்லை.
இரத்தத்தைப் பெறுவது அல்லது இரத்தத்திற்காக நன்கொடையாளர்களைக் கண்டுபிடிப்பது மிகவும் கடினமாக இருந்தது. அப்போதுதான் நான் முதன்முறையாக இரத்த தானம் செய்தேன். அவர் மேலும் கூறுகையில், “ஒரு நபரின் உயிரைக் காப்பாற்றுவதற்கு நாம் எவ்வளவு பங்களிக்க முடியும் என்பதை நான் உணரவில்லை. எனவே தவறாமல் இரத்த தானம் செய்வதை ஒரு பழக்கமாக மாற்றினேன். “தொழிலதிபர் திருமணம் செய்துகொண்டபோது, அவரது மனைவி அவருக்கு இரத்த தானம் செய்வதைத் தடை செய்தார்.
அது அவரது உடல்நிலையை பாதிக்கக்கூடும் என்று அவள் கவலைப்பட்டார். இருப்பினும் இரத்த தானம் செய்வதற்கும், உயிர்களைக் காப்பாற்றுவதற்கும் மக்கள் எவ்வாறு ஈர்க்கப்பட்டனர் என்பதைக் கண்ட பிறகு, அவர் தனது முடிவை மாற்றினார். சிறிது நாட்களுக்கு பிறகு, அவர் தனது கணவருடன் இரத்த தான முகாம்களை நடத்தத் தொடங்கினார். நான் மாணவர்களுக்காக, குறிப்பாக இளைஞர்களுக்காக பல்வேறு விழிப்புணர்வு நிகழ்ச்சிகளை நடத்தத் தொடங்கினேன், எனது அனுபவங்களையும், ஒரு நபரின் உயிரைக் காப்பாற்றும் போது எனக்கு அளித்த திருப்தியையும் பகிர்ந்து கொண்டேன் என்று உமா மகேஸ்வர ராவ் கூறினார்.
“கடந்த இரண்டு ஆண்டுகளில், மாநிலம் முழுவதும் இரத்த தானம் குறித்த பல விழிப்புணர்வு திட்டங்களுக்கு நான் அழைக்கப்பட்டேன். நான் விரைவில் 60 ஐ எட்டுவதால், அடுத்த மூன்று ஆண்டுகளில் ஒரு ‘100’வது முடிக்க வேண்டும் என்பதே எனது குறிக்கோள். நான் சொல்ல விரும்புவது என்னவென்றால், இரத்த தானம் செய்வதற்கு அதிகம் செலவாகாது, பலரின் உயிரைக் காப்பாற்ற முடியும். எனவே எல்லோரும் மூன்று மாதங்களுக்கு ஒரு முறையாவது இரத்த தானம் செய்ய வேண்டும். இவரின் செயல் அனைவரது பாராட்டையும் பெற்றுள்ளது.