தமிழகத்தில் அதிமுகவால் தனக்கு 60 கோடி நஷ்டம் ஏற்பட்டுவிட்டதாக கமல்ஹாசன் புதிய குற்றச்சாட்டை தெரிவித்துள்ளார்.
தமிழகத்தில் ஏப்ரல் 6-ஆம் தேதி சட்டமன்ற தேர்தல் நடைபெற உள்ளது. அதனால் அனைத்து கட்சிகளும் தீவிர தேர்தல் பிரசாரத்தில் ஈடுபட்டு வருவதால் தேர்தல் களம் சூடு பிடிக்க தொடங்கியுள்ளது. ஒவ்வொரு கட்சியினரும் தங்கள் எதிர்கட்சியினரை கடுமையாக விமர்சித்து தேர்தல் பிரசாரம் செய்து வருகிறார்கள். அதிலும் குறிப்பாக அதிமுக மற்றும் திமுக இடையே கடும் மோதல் போக்கு நிலவி வருகிறது. இதற்கு மத்தியில் சட்டமன்ற தேர்தலில் போட்டியிடும் வேட்பாளர்கள் பட்டியலை ஒவ்வொரு கட்சியும் வெளியிட்டு வருகிறது.
அதுமட்டுமன்றி தொகுதி பங்கீடு பற்றியும் பேச்சுவார்த்தை நடத்தப்பட்டு, தங்கள் கூட்டணியில் உள்ள கட்சிகளுக்கு தொகுதிகள் ஒதுக்கீடு செய்யப்பட்டு வருகின்றன. மேலும் தங்கள் ஆட்சி தமிழகத்தில் அமைந்தால் மக்களுக்கு பல்வேறு நலத்திட்டங்களை செய்து தருவதாக ஒவ்வொரு கட்சியும் போட்டியிட்டுக் கொண்டு தேர்தல் அறிக்கையை வெளியிட்டு வருகிறது. அதில் மக்களை கவரும் வகையில் பல்வேறு சிறப்பு அம்சங்கள் இடம் பெற்றுள்ளன. இது ஒரு பக்கம் இருக்க, மறுபக்கம் மக்களைக் கவர அனைத்து கட்சியினரும் மக்களிடம் நேரடி தேர்தல் பிரசாரத்தில் களமிறங்கியுள்ளனர்.
இந்நிலையில் ஒவ்வொரு கட்சியும் தங்களது எதிர் கட்சியைக் கடுமையாக விமர்சித்து வரும் நிலையில், அதிமுகவால் தனக்கு 60 கோடி நஷ்டம் ஏற்பட்டுவிட்டதாக மக்கள் நீதி மையம் பற்றியும் தலைவர் கமல்ஹாசன் புதிய பரபரப்பு குற்றச்சாட்டை தெரிவித்துள்ளார். எனது சொத்து மதிப்பு 176 கோடி என்று வேட்புமனுவில் எந்த மறைவும் இன்றி குறிப்பிட்டுள்ளேன். அதிமுக ஆட்சியில் கொடுத்த தொல்லையால் மதிப்பு குறைந்துவிட்டது. இல்லையென்றால் 200 கோடியை தாண்டி இருப்பேன். 35 வருடமாக சரியாக வருமான வரி கட்டி வருகிறேன் என்று அவர் கூறியுள்ளார்.