ஜெயலலிதா பிறந்தநாள் தொடர்பாக சசிகலா வெளியிட்டுள்ள அறிக்கையில் அதிமுக கொடி இடம்பெற்றுள்ளது பரபரப்பை ஏற்படுத்தியுள்ளது.
தமிழகத்தில் மிக விரைவில் சட்டமன்ற தேர்தல் நடைபெற உள்ளது. அதனால் அனைத்துக் கட்சிகளும் தீவிர தேர்தல் பிரசாரத்தில் ஈடுபட்டு வருவதால் தேர்தல் களம் சூடு பிடிக்க தொடங்கியுள்ளது.ஒவ்வொரு கட்சியினரும் தங்கள் எதிர்க்கட்சியினர் கடுமையாக விமர்சித்து தேர்தல் பிரசாரம் செய்து வருகிறார்கள். அதிலும் குறிப்பாக அதிமுக மற்றும் திமுக இடையே கடும் மோதல் போக்கு நிலவி வருகிறது.
இதற்கு மத்தியில் சொத்துக்குவிப்பு வழக்கில் சிறை தண்டனை அனுபவித்து கொண்டிருந்த சசிகலா கடந்த ஜனவரி 27-ஆம் தேதி விடுதலையானார். அதன்பிறகு பிப்ரவரி 8-ஆம் தேதி தமிழகம் திரும்பினார். அவரின் வருகை அரசியலில் ஏதாவது மாற்றத்தை ஏற்படுத்தும் என அனைவரும் குழப்பத்தில் உள்ளனர்.
இந்நிலையில் இன்று மறைந்த முன்னாள் முதல்வர் ஜெயலலிதா பிறந்த நாள் தமிழகம் முழுவதும் கொண்டாடப்பட்டது. அவரின் பிறந்தநாளை முன்னிட்டு ஜெயலலிதா உருவப்படத்திற்கு மாலை அணிவித்து தொடர்பாக சசிகலா அறிக்கை ஒன்றை வெளியிட்டுள்ளார். அந்த அறிக்கையில் அதிமுக கொடி இடம்பெற்றுள்ளது. மேலும் அதிமுகவை குறிக்கும் வகையில் கழக பொதுச் செயலாளரின் முகாம் அலுவலகம் என குறிப்பிடப்பட்டுள்ளது பரபரப்பை ஏற்படுத்தியுள்ளது.