அதிமுக – பாஜக தொகுதி பங்கீடு… இரவிலேயே நடந்து முடிந்த பேச்சுவார்த்தை…!!!

தமிழகத்தில் அதிமுக மற்றும் பாஜக தொகுதி பங்கீடு குறித்த பேச்சுவார்த்தை இரவிலேயே நடந்து முடிந்ததாக தகவல் வெளியாகியுள்ளது.

தமிழகத்தில் ஏப்ரல் 6-ஆம் தேதி சட்டமன்ற தேர்தல் நடைபெற உள்ளது. அதனால் அனைத்து கட்சிகளும் தீவிர தேர்தல் பிரசாரத்தில் ஈடுபட்டு வருவதால் தேர்தல் களம் சூடு பிடிக்க தொடங்கியுள்ளது. ஒவ்வொரு கட்சியினரும் தங்கள் எதிர்க்கட்சியினரை கடுமையாக விமர்சித்து தேர்தல் பிரசாரம் செய்து வருகிறார்கள். அதிலும் குறிப்பாக அதிமுக மற்றும் திமுக இடையே கடும் மோதல் போக்கு நிலவி வருகிறது. இதற்கு மத்தியில் கூட்டணி குறித்த குழப்பம் நிலவி வருகிறது.

அதுமட்டுமன்றி தங்கள் ஆட்சி தமிழகத்தில் அமைத்தால் மக்களுக்கு பல்வேறு நலத்திட்டங்களை செய்து தருவதாக வாக்குறுதி அளிக்கப்பட்டு வருகின்றன. அதன்படி கடந்த சில நாட்களாகவே அதிமுக பல்வேறு நலத் திட்டங்களை மக்களுக்கு தொடர்ந்து செய்து வருகிறது. மேலும் மக்களை கவரும் அதிரடி அறிவிப்புகளை வெளியிட்டு வருகிறது. இதனை அடுத்து ஒவ்வொரு கட்சியினரும் கூட்டணி மற்றும் தொகுதி பங்கீடு பற்றி தீவிர ஆலோசனை நடத்தி வருகின்றனர்.

இந்நிலையில் தமிழகத்தில் அதிமுக கூட்டணியில் பாமகவுக்கு 23 தொகுதிகள் ஒதுக்கீடு செய்யப்பட்டுள்ளன. மேலும் தமிழக மாநில காங்கிரஸ் கட்சிக்கு 3 தொகுதிகள் ஒதுக்கப்பட்டதாக தகவல் வெளியாகியுள்ளது. இதனை அடுத்து அதிமுக மற்றும் பாஜக தொகுதி பங்கீடு குறித்து பேச்சுவார்த்தை இரவிலேயே நடந்து முடிந்தது. கடந்த 27ஆம் தேதி முதல் நடைபெற்று வரும் இந்த தொகுதி ஒதுக்கீடு பேச்சுவார்த்தை நேற்று இரவு உறுதியானது. அமித்ஷா பகலில் பிரசாரம் செய்து வருவதால், இரவில் நேரம் ஒதுக்கி பேச்சுவார்த்தை நடத்தியதாக கூறப்படுகிறது.