ஐபிஎல் 20 ஓவர் கிரிக்கெட் போட்டி விறுவிறுப்பாக நடைபெற்று வருகிறது. நடப்பு சாம்பியனான சென்னை சூப்பர் கிங்ஸ் அணி இதுவரை 5 போட்டிகளில் ஒரு போட்டியில் மட்டும் வெற்றி பெற்றுள்ளது. மீதமுள்ள நான்கு போட்டிகளில் தோல்வி அடைந்துள்ளது. இன்று சென்னை அணி குஜராத் அணியுடன் விளையாடி வருகிறது. முதலில் டாஸ் வென்ற குஜராத் அணி பீல்டிங்கை தேர்வு செய்தது. சென்னை அணி முதலில் பேட்டிங் செய்தது.
இந்நிலையில் சென்னை சூப்பர் கிங்ஸ் அணி 20 ஓவரில் 5 விக்கெட்டுக்கு 169 ரன்கள் குவித்துள்ளது. சென்னை அணியில் சிறப்பாக விளையாடிய ருத்ராஜ் கெய்க்வாட் 73 ரன்களும், அம்பத்தி ராயுடு 46 ரன்களும் எடுத்திட குஜராத் அணியில் அன்சாரி ஜோசப் 2 விக்கெட்டை கைப்பற்றினார். கடந்த போட்டியில் சொதப்பிய ருத்ராஜ் தற்போது அதிரடியாக விளையாடினார்.