ஐபிஎல் 15வது சீசனின் 25வது லீக் போட்டியில் கொல்கத்தா நைட் ரைடர்ஸ், சன் ரைசர்ஸ் ஹைதராபாத் அணிகள் மோதின. இந்த போட்டியில் முதலில் டாஸ் வென்ற சன் ரைசர்ஸ் அணி பந்து வீச்சை தேர்வு செய்தது.
கொல்கத்தா இன்னிங்ஸ் :-
முதலாவதாக களமிறங்கிய கொல்கத்தா நைட் ரைடர்ஸ் அணிக்கு எதிராக மார்கோ யான்சன், டி நடராஜன் இருவரும் அபாரமாக பந்து வீசினர். அதில் யான்சன் முதலில் ஆரோன் பிஞ்ச் 7(5) விக்கெட்டை எடுத்து கொடுத்தார். அடுத்ததாக நடராஜன் சுனில் நரைன் 6(2), வெங்கடேஷ் ஐயர் 6(13), நிதிஷ் ராணா 54(36) விக்கெட்டை எடுத்துக் கொடுத்தார். இறுதியில் காட்டடி அடித்த ஆண்ட்ரே ரஸல் 25 பந்துகளில் தலா 4 பவுண்டரி, சிக்ஸர் விளாசி 49 ரன்களை குவித்தார். இதனால் 20 ஓவர்கள் முடிவில் கொல்கத்தா நைட் ரைடர்ஸ் அணி 175/8 ரன்களை சேர்த்தது. அதேசமயம் பாட் கம்மின்ஸ் 3(3) பெரிய ஸ்கோர் எதுவும் அடிக்கவில்லை. உம்ரான் மாலிக் 2/27 விக்கெட்டுகளையும், நடராஜன் 3/37 விக்கெட்டுகளையும் கைப்பற்றினர்.
சன் ரைசர்ஸ் இன்னிங்ஸ் :-
இதையடுத்து சன்ரைசர்ஸ் ஹைதராபாத் அணியில் இருந்து களமிறங்கிய அபிஷேக் ஷர்மா 3(10) ரன்கள் எடுத்த நிலையில் கம்மின்ஸ் அவரை போல்ட் ஆக்கினார். அதனை தொடர்ந்து ரஸல், கேன் வில்லியம்சனை 17(16) போல்ட் ஆக்கினார். அடுத்ததாக எய்டன் மார்க்கரம், ராகுல் திரிபாதி ஆகியோர் பார்ட்னர்ஷிப் அமைத்து விளையாடினர். ராகுல் திரிபாதி உமேஷ் யாதவ் காட்டடி அடிப்பார் என்று எதிர்பார்க்கப்பட்டது. அதேபோலவே இறுதியில் 37 பந்துகளில் 4 பவுண்டரி, 6 சிக்ஸர் உட்பட 71 ரன்கள் குவித்து அசத்தினார். அடுத்து நிக்கோலஸ் பூரன் 5(8), எய்டன் மார்க்கரம் 68(36) இருவரும் சிறப்பாக விளையாடி வந்த நிலையில் சன்ரைசர்ஸ் ஹைதராபாத் அணி 17.5 ஓவரில் 176/3 ரன்கள் குவித்து 7 விக்கெட்டுகள் வித்தியாசத்தில் அபார வெற்றி பெற்றது.