கன்னட சினிமாவில் பிரபலமான இயக்குனராக வலம் வந்தவர் கே.ஆர். முரளி கிருஷ்ணா. இவர் கடந்த 2019-ம் ஆண்டு வெளியான காரா என்ற திரைப்படத்தின் மூலம் இயக்குனராக அறிமுகமானார். அதன் பிறகு மராயி குடிகே, ஹ்ருதய சாம்ராஜ்யம், கர்ணனா சம்பது, பாலா நூகே உள்ளிட்ட பல படங்களை தயாரித்தும் உள்ளார்.
வழக்கறிஞராக இருந்து திரையுலகில் காலடி எடுத்து வைத்த முரளி கிருஷ்ணாவுக்கு தற்போது 63 வயது ஆகும் நிலையில், பல்வேறு உடல் நலப் பிரச்சினைகளால் அவதிப்பட்டு வந்தார். இந்நிலையில் மாரடைப்பால் திடீரென மரணம் அடைந்தார். மேலும் இவருடைய மரணத்திற்கு திரையுலக பிரபலங்கள் மற்றும் ரசிகர்கள் பலரும் இரங்கல் தெரிவித்து வருகிறார்கள்.