பிரிட்டிஷ் கொலம்பியாவில் பெண் ஒருவர் சாப்பிட்டு கொண்டிருந்த போது லாட்டரியில் $1 மில்லியன் தொகை விழுந்தது தெரிந்து இன்ப அதிர்ச்சி அடைந்துள்ளார்.
பிரிட்டிஷ் கொலம்பியாவில் உள்ள அப்போட்ஸ்போர்டில் வசிக்கும் யிங் சன் சின் என்ற பெண் அவரின் வீட்டில் அவருடைய கணவர், மகன் மற்றும் மருமகள் ஆகியோருடன் ஒன்றாக அமர்ந்து சாப்பிட்டு கொண்டிருந்துள்ளார். அப்போது அவரின் மகன் லொட்டோ 6/49 அப்போஸ்போர்டில் வசிக்கும் ஒருவருக்கு ஒரு மில்லியன் பரிசு தொகை லாட்டரியில் விழுந்திருக்கிறது என்று கூறியுள்ளார்.
இதனால் யிங் தானும் அந்த லாட்டரியை வாங்கியிருந்ததால் அந்த எண்களை சரி பார்த்தவர் இன்ப அதிர்ச்சி அடைந்துள்ளார். ஆம் அவருக்கு தான் அந்த பரிசு தொகை விழுந்திருக்கிறது. இது குறித்து யிங் கூறியுள்ளதாவது, தற்போது நான் ஒரு மில்லியனர் என்ற உணர்வு புதிதாக இருக்கிறது. இந்த பணத்தின் மூலம் வீடு ஒன்றை வாங்குவதற்கு முடிவெடுத்துள்ளேன். மிகுந்த உற்சாகம் அடைந்துள்ளேன். இந்த லாட்டரி பரிசு தொகைகையால் என் வாழ்க்கையே மாறும் என்றார்.