“அதிர்ஷ்டம் துணை நிற்கட்டும்” பதவியேற்கும் பைடனுக்கு…. வாழ்த்து தெரிவித்த ட்ரம்ப்…!!

ஜோ பைடன் இன்று பதவியேற்க உள்ள நிலையில் ட்ரம்ப், பைடன் நிர்வாகத்திற்கு வாழ்த்து தெரிவித்துள்ளார்.

அமெரிக்காவில் கடந்த வருடம் நடந்த அதிபர் தேர்தலில் குடியரசு கட்சி சார்பில் போட்டியிட்ட அதிபர் டொனால்டு டிரம்ப் தோல்வியை சந்தித்தார். அவரை எதிர்த்து போட்டியிட்ட ஜநாயக கட்சியின் சார்பில் ஜோ பைடன் வெற்றி அடைந்தார். இதையடுத்து வாஷிங்டனில் உள்ள நாடாளுமன்றத்தில் 11:30 மணிக்கு (இந்திய நேரப்படி 10 மணிக்கு) நடைபெறும் பதவி ஏற்பு நிகழ்ச்சியில் பைடன் அதிபராக பொறுப்பேற்க உள்ளார். இந்த விழாவில் அசம்பாவிதங்கள் எதுவும் நடைபெறாமல் இருப்பதற்காக பலத்த போலீஸ் பாதுகாப்பு போடப்பட்டுள்ளது.

மேலும் இது கொரோனா காலம் என்பதால் குறைந்த அளவிலான பங்கேற்பாளர்கள் மட்டுமே கலந்து கொள்ள அனுமதிக்கப்பட்ட நிலையில் பதவி காலம் முடிய உள்ள ட்ரம்ப் நாட்டு மக்களிடம் இருந்து விடைபெறும் வகையில் காணொளி மூலம் உரையாற்றியுள்ளார். அப்போது புதிதாக பதவியேற்றுள்ள நிர்வாகத்திற்கு வாழ்த்து தெரிவித்த அவர், “பைடன் நிர்வாகத்திற்கு அதிர்ஷ்டம் துணை நிற்கட்டும்” என்றும் தெரிவித்துள்ளார்.