தமிழ் சினிமாவில் முன்னணி நடிகராக வலம் வருபவர் தனுஷ். இவர் நடிகராக மட்டுமில்லாமல் தயாரிப்பாளர் பாடகர் என பன்முகங்களை கொண்டவர். இயக்குனர் செல்வராகவன் இயக்கத்தில் நடிகர் தனுஷ் ‘நானே வருவேன்’ என்ற படத்தில் நடித்துள்ளார். இந்த திரைப்படத்தில் நடிகர் தனுஷ் இரட்டை வேடத்தில் நடிக்கிறார். அவருக்கு ஜோடியாக நடிகை இந்துஜா ரவிச்சந்திரன் நடிக்கிறார். மேலும் யோகி பாபு, பிரபு, எல்லி அவுரம் என்ற ஸ்வீடன் நாட்டு நடிகை உள்ளிட்ட பலர் முக்கிய கதாபாத்திரத்தில் நடிக்கின்றனர். இந்த படத்தை வி கிரியேசன்ஸ் சார்பில் கலைப்புலி எஸ்.தானும் தயாரித்துள்ளனர். யுவன் சங்கர் ராஜா இசை அமைத்துள்ளார்.
இந்தத் திரைப்படம் நேற்று திரையரங்குகளில் வெளியாகி ரசிகர்கள் மத்தியில் நல்ல வரவேற்பை பெற்று வருகிறது. இந்நிலையில் தயாரிப்பாளர் கலை புலி எஸ்.தானும் நானே வருவேன் திரைப்படம் குறித்து அளித்துள்ள பேட்டி சமூக வலைதளத்தில் வைரலாகி வருகிறது. அதில், நானே ஒருவன் திரைப்படம் முதல் நாள் வசூல் அள்ளிவிடும். இரண்டாவது நாள் பொன்னியன் செல்வன் வெளியாகும் போது வசூல் சிறிது குறையும். ஆனால் மூன்றாம் நாள் இரண்டும் ஒரே மாதிரியான நிலையை எட்டிவிடும். இரண்டு படங்களும் மிகப்பெரிய மைல் ஸ்டோனாக இருக்கும். நான் இதுவரை நானே வருவேன் திரைப்படத்தை 15 முறை பார்த்திருக்கிறேன். எந்த படத்தையும் நான் இப்படி பார்த்தது இல்லை. அப்போ அந்த கதாபாத்திரத்தில் என்னை இழுக்கிறது என்று அர்த்தம் என்று தெரிவித்துள்ளார்.