“அந்த இடத்தில் வைத்து தங்கம் கடத்தல்”…. ஒரே நாளில் பல லட்சம் பறிமுதல்….!!!!!

விமானத்தில் கடத்தி வரப்பட்ட 910 கிராம் தங்கத்தை அதிகாரிகள் பறிமுதல் செய்தார்கள்.

வெளிநாடுகளில் இருந்து விமானங்களில் கடத்தல் பொருட்கள் கொண்டு வரப்படுவதாக சுங்க இலாகா கமிஷனருக்கு ரகசிய தகவல் கிடைத்ததின் பேரில் அதிகாரிகள் தீவிர கண்காணிப்பில் ஈடுபட்டார்கள். அப்போது துபாயில் இருந்து சென்னைக்கு வந்த விமானத்தில் பயணித்த சென்னையை சேர்ந்த இளைஞர் ஒருவரை அதிகாரிகள் சந்தேகத்தின் பேரில் விசாரணை செய்ததில் அவர் முன்னுக்குப் பின் முரணாக பேசினார்.

இதனால் அவரின் உடைமைகளை சோதனை செய்ததில் எலக்ட்ரானிக்ஸ் பொருட்கள் இருந்தது தெரிய வந்தது. அதன் மதிப்பு மூன்று லட்சத்து 15 ஆயிரம் ஆகும். அதிகாரிகள் எலக்ட்ரானிக்ஸ் பொருட்களை கைப்பற்றி அவரிடம் இருந்து 17 லட்சத்து 15 ஆயிரத்து மதிப்பிலான 385 கிராம் தங்கத்தையும் பறிமுதல் செய்தார்கள். இதுபோல துபாயில் இருந்து சென்னைக்கு வந்த மற்றொரு விமானத்தில் சென்னையை சேர்ந்த இளைஞர் ஒருவரே சோதனை செய்வதில் உள்ளாடைக்குள் 23 லட்சத்து 38 ஆயிரம் மதிப்புள்ள 525 கிராம் தங்கத்தை கைப்பற்றினார்கள். இது குறித்து போலீசார் இரண்டு பேரையும் கைது செய்து விசாரணை மேற்கொண்டு வருகின்றார்கள்.