விஜய் சேதுபதி நடிப்பில் உருவாகியுள்ள அனபெல் சேதுபதி படத்தின் புதிய பாடல் வீடியோ வெளியாகியுள்ளது.
தமிழ் திரையுலகில் முன்னணி நடிகராக வலம் வரும் விஜய் சேதுபதிக்கு ஏராளமான ரசிகர்கள் உள்ளனர். தற்போது இவர் விடுதலை, விக்ரம், காத்துவாக்குல ரெண்டு காதல், VJS 46 உள்பட பல படங்களில் பிசியாக நடித்து வருகிறார். மேலும் இயக்குனர் தீபக் சுந்தர்ராஜன் இயக்கத்தில் விஜய் சேதுபதி நடிப்பில் உருவாகியுள்ள அனபெல் சேதுபதி திரைப்படம் வருகிற செப்டம்பர் 17-ஆம் தேதி நேரடியாக டிஸ்னி பிளஸ் ஹாட்ஸ்டாரில் ரிலீஸாக உள்ளது. இந்த படத்தில் டாப்ஸி கதாநாயகியாக நடித்துள்ளார்.
மேலும் ராதிகா சரத்குமார், ஜெகபதி பாபு, தேவதர்ஷினி, யோகி பாபு உள்ளிட்ட பலர் முக்கிய கதாபாத்திரங்களில் நடித்துள்ளனர். இந்நிலையில் அனபெல் சேதுபதி படத்தின் புதிய பாடல் வீடியோவை படக்குழு வெளியிட்டுள்ளது. ‘ஜிஞ்சர் சோடா’ என்கிற இந்த பாடலை அனிருத் பாடியுள்ளார் என்பது குறிப்பிடத்தக்கது . தற்போது இந்த கலக்கலான பாடல் வீடியோ ரசிகர்களை வெகுவாக கவர்ந்து வருகிறது.