பஞ்சாப் மாநிலத்தில் 1 முதல் 10 ஆம் வகுப்பு வரை அனைத்து மாணவர்களுக்கும் பஞ்சாபி மொழி கட்டாயம் என்று அம்மாநில முதல்வர் சரண்சித் சிங் சன்னி உத்தரவிட்டுள்ளார். அனைத்து மாநிலங்களிலும் அந்தந்த மாநில மொழிகளுக்கு முக்கியத்துவம் கொடுக்கப்பட்டு வருகிறது.பள்ளி கல்லூரி பாடத்திட்டங்களில் ஆங்கிலத்திற்கு முன்னுரிமை கொடுத்தாலும் தாய்மொழிக்கு சிறப்பு இடம் உண்டு. இந்தியாவில் அனைத்து மாநிலங்களிலும் முதன்மை மொழியாக மாநில மொழிகளும், இரண்டாம் மொழியாக ஆங்கிலமும் இருந்து வருகின்றது. அண்மையில் புதிய கல்விக் கொள்கையில் மும்மொழிக் கொள்கை வலியுறுத்தப்பட்டது.
இதனை பல்வேறு தரப்பினருக்கு எதிர்த்து வருகின்றனர். இந்நிலையில் பஞ்சாப் மாநிலத்தில் மாணவர்களுக்கு மாநில மொழியை கட்டாயமாக்க பட்டுள்ளது.ஒன்று முதல் பத்தாம் வகுப்பு வரை உள்ள அனைத்து பள்ளி மாணவர்களுக்கும் பஞ்சாபி மொழி கட்டாயம் என்று அம்மாநில முதல்வர் தெரிவித்துள்ளார்.இந்த உத்தரவை மீறும் பள்ளிகளுக்கு 2 லட்சம் ரூபாய் வரை அபராதம் விதிக்கப்படும் என்று எச்சரிக்கை விடுக்கப்பட்டுள்ளது.மாநிலத்தில் உள்ள அனைத்து பெயர் பலகைகளிலும் மேலே பஞ்சாபி மொழியில் எழுதப் படவேண்டும் என்று அவர் தெரிவித்துள்ளார்.