அபாய நிலையில் மின்கம்பம்…. எப்போது வேண்டுமானாலும் கீழே விழலாம்… உடனே மாத்துங்க… பொதுமக்கள் கோரிக்கை..!!

ஏனங்குடி பேருந்து நிலையம் அருகில் அபாய நிலையில் மின்கம்பம் உள்ளது என்று பொதுமக்கள் வேதனை தெரிவித்தனர்.

நாகை மாவட்டத்திலுள்ள திருமருகல் அருகே இருக்கும்  ஏனங்குடி ஊராட்சியில் 500க்கும் அதிகமான குடும்பங்கள் வசித்து வருகின்றன. இந்நிலையில் திருமருகல்- நன்னிலம் மெயின் ரோட்டில் ஏனங்குடி பேருந்து நிலையம் அருகில் ஒரு மின்கம்பம் பழுதடைந்த நிலையில் காணப்படுகிறது. இந்த மின் கம்பம் எந்த நேரம் வேண்டுமென்றாலும் சாய்ந்து விழும் அபாயம் உள்ளது.

நாகூர், நாகப்பட்டினம், திட்டச்சேரி, திருமருகல், நன்னிலம், திருவாரூர், கும்பகோணம், மயிலாடுதுறை, விழுப்புரம், சென்னை உட்பட பல பகுதிகளுக்கு செல்லும் பேருந்துகள் இந்த வழியாக செல்கின்றன. மேலும் பள்ளி கல்லூரி மாணவர்கள் நாகை, திருவாரூர், காரைக்கால் பகுதிகளுக்கு இந்த வழியில் தான்  செல்கின்றனர். இதுகுறித்து சம்பந்தப்பட்ட அதிகாரிகளிடம் புகார் கொடுத்தும் எந்தவித நடவடிக்கையும் எடுக்கவில்லை. இந்த மின்கம்பத்தை மாற்றி புதிய மின் கம்பத்தை அமைத்து தர வேண்டும் என்று பொதுமக்கள் தெரிவிக்கிறார்கள்.