இந்திய சுழற்பந்து வீச்சாளரான யுஸ்வேந்திர சாஹல் தன்னுடைய திறமை மிக்க மற்றும் அபாரமான பந்துவீச்சால் சர்வதேச அளவில் முன்னணி இடத்தை பிடித்துள்ளார். இன்று நடைபெற்ற வெஸ்ட் இண்டீசுக்கு எதிரான முதலாவது ஒருநாள் போட்டியில் பொலார்டு விக்கெட்டை வீழ்த்தினார். இதன் மூலம் இவர் 60 போட்டிகளில் 100 விக்கெட்டுகளை வீழ்த்தி ஒருநாள் கிரிக்கெட் போட்டியில் அதிவேகமாக 100 விக்கெட்டுகளை வீழ்த்திய 5 வது இந்திய கிரிக்கெட் வீரர் என்ற பெருமையை அடைந்துள்ளார்.
இந்தப் பட்டியலில் முகமது ஷமி 56 போட்டியிலும், பும்ரா 57 போட்டியிலும், குல்தீப் யாதவ் 58 போட்டியிலும், இர்பான் பதான் 59 போட்டியிலும் 100 விக்கெட் கைப்பற்றி உள்ளனர். இந்த வரிசையில் தற்போது யுஸ்வேந்திர சாஹல் இடம் பிடித்துள்ளார் என்பது குறிப்பிடத்தக்கது.