திருப்பதி வெங்கடாசலபதி சாமிக்கு தெலுங்கானாவை சேர்ந்த ஒருவர் 4 கோடி மதிப்புள்ள தங்க வாளை காணிக்கைசெலுத்தி உள்ளார்.
இந்தியாவில் உள்ள பலரும் மத நம்பிக்கை கொண்டவர்கள். கடவுளுக்காக அதிக நன்கொடை அளிப்பவர்கள். அதிலும் திருப்பதி கோவிலில் ஆண்டுக்கு எவ்வளவு கோடி வருமானம் வருகிறது என தெரியுமா? இந்தியாவிலேயே அதிக நன்கொடை பெறும் கோவிலாக திருப்பதி ஏழுமலையான் கோவில் உள்ளது. இந்த கோயிலுக்கு தற்போது 4 கோடி மதிப்பிலான தங்க வாளை ஒருவர் பரிசளித்துள்ளார். ஐதராபாத் மாநிலத்தை சேர்ந்த ஸ்ரீனிவாச பிரசாத்தும் அவரது மனைவியும் சேர்ந்து 6.5 கிலோ எடை கொண்ட தங்க வாளை ஏழுமலையானுக்கு தானமாக வழங்கியுள்ளனர்.
இந்த தங்க வாள் மக்களின் பார்வைக்காக வைக்கப்பட்டுள்ளது. இதுகுறித்து அவர்கள் தெரிவித்ததாவது “நாங்கள் கடந்த ஆண்டே இதனை தயார் செய்துவிட்டோம். கொரோனா காரணமாக கோயில்கள் தொடர்ந்து மூடப்பட்டு இருந்த காரணத்தினால் இதைக் கொண்டுவர முடியவில்லை. தற்போது இதனை கோயில் நிர்வாகத்திடம் ஒப்படைக்க உள்ளோம் என்று தெரிவித்துள்ளார். மேலும் இதனை தயார் செய்ய ஆறு மாத காலம் ஆனது. இது தயாரிக்கும் பொழுது இதன் மதிப்பு 1.8 கோடியாக இருந்தது. தற்போது இதன் மதிப்பு 4 கோடியாக அதிகரித்துள்ளது. இதன் எடை 6.5 கிலோ ஆகும். இதற்கு முன்னதாக தமிழகத்தின் தேனியை சேர்ந்த தங்கதுரை என்பவர் 1.75 கோடி மதிப்பிலான தங்க வாளை திருப்பதி கோயிலுக்கு தானமாக வழங்கியது குறிப்பிடத்தக்கது.