அமலாபால் நடிப்பில் உருவாகி இருக்கும் கடாவர் திரைப்படம் குறித்த அப்டேட் வெளியாகியுள்ளது.
தமிழ் சினிமா உலகில் முன்னணி நடிகையாக வலம் வருகின்றார் அமலாபால். இவர் மலையாள இயக்குனர் அனூப் எஸ். பணிக்கர் இயக்கத்தில் கடாவர் படத்தில் நடித்துள்ளார். இதில் ஹரிஷ் உத்தமன், முனீஸ்காந்த், திரிகன் (ஆதித் அருண்), பசுபதி, நிழல்கள் ரவி, வினோத் சாகர், வேலு பிரபாகர், ஜெய ராவ், அதுல்யா ரவி, ரித்விகா உள்ளிட்டோர் முக்கிய வேடத்தில் நடித்து இருக்கின்றனர். அபிலாஷ் பிள்ளை வசனம் எழுதியிருக்கும் இப்படத்திற்கு அரவிந்த்சிங் ஒளிப்பதிவு செய்துள்ளார். இந்த படத்திற்கு ரஞ்சின் ராஜ் இசையமைத்துள்ளார்.
மேலும் கிரைம் த்ரில்லர் ஜானரில் தயாராகி உள்ள இப்படத்தில் தடயவியல் துறை நிபுணரான பத்ரா எனும் வேடத்தில் நடிகை அமலாபால் நடித்துள்ளார். இத்திரைப்படம் டிஸ்னி பிளஸ் ஹாட் ஸ்டார் ஓடிடி தளத்தில் வெளியிடப்படுகிறது. மேலும் படம் விரைவில் படம் வெளியாகும் என ரசிகர்கள் மத்தியில் எதிர்பார்க்கப்படுகின்றது.